Gkb
-
Sunnudagur, 4. ágúst 2019 - 9:26Oddný og Ríkharður léku á 58 höggum nettó
Styrktarmót GKB fór fram á Kiðjabergsvelli í gær, laugardaginn 3. ágúst. Sigurvegarar voru þau Oddný Þóra Baldvinsdóttir og Ríkharður Sveinn Bragason, sem léku á 58 höggum nettó. Hilmar Þór Ársælsson og Kristín Sigríður Geirsdóttir höfnuðu í öðru sæti á 59 höggum
-
Þriðjudagur, 30. júlí 2019 - 14:35Bjarki leiðbeinir í Kiðjabergi um helgina
Bjarki Pétursson, landsliðsmaður úr GKB, verður með tveggja daga golfkennslu ásamt félögum sínum á Kiðjabergsvelli um næstu helgi. Kennslan er eingöngu fyrir félagsmenn GKB. Félagar ættu að nýta sér þetta einstaka tækifæri og fá góð ráð hjá afrekskylfingi.
-
Mánudagur, 29. júlí 2019 - 7:35GKB áfram í 2. deild karla
GKB hélt sæti sínu í 2. deild karla í Sveitakeppni GSÍ, sem fram fór í Vestmannaeyjum um liðna helgi. Heimamenn úr Eyjum sigruðu og færast upp í 1. deild að ári. GKB hafnaði í sjöunda sæti, en GÍ féll í 3. deild.
-
Sunnudagur, 21. júlí 2019 - 13:13Brynhildur sigraði í Opna Bioeffect mótinu
Opna BIOEFFECT kvennamótið fór fram í góðu veðri á Kiðjabergsvelli laugardaginn 20. júlí. Rúmlega 70 keppendur mættu til leiks. Brynhildur Sigursteinsdóttir úr GKB sigraði í punktakeppni, kom inn á 38 punktum. Anna Sólveig Snorradóttir úr GK lék best í höggleik án forgjafar, eða 78 höggum. Hún átti einnig lengsta teighöggið á 4. braut.
-
Þriðjudagur, 16. júlí 2019 - 14:17Opna BIOEFFECT kvennamótið um helgina
Laugardaginn 20. júlí fer fram Opna BIOEFFECT kvennamótið á golfvellinum í Kiðjabergi. Allir þátttakendur í mótinu fá teiggjöf frá BIOEFFECT. Veitt verða verðlaun fyrir sex efstu sætin í punktakeppni og efsta sætið í höggleik án forgjafar.
-
Sunnudagur, 14. júlí 2019 - 7:10Margrét og Andri klúbbmeistarar GKB 2019
Margrét Geirsdóttir og Andri Jón Sigurbjörnsson eru klúbbmeistarar GKB 2019. Meistaramóti klúbbsins lauk á Kiðjabergsvelli í gær og þótti takast vel og var veðrið gott alla keppnisdagana. Lokahóf fór fram í golfskálanum í gærkvöldi og þar voru verðlaun afhent. Brynhildi Sigursteinsdóttir var í lokahófinu afhentur háttvísibikar GKB.
-
Laugardagur, 13. júlí 2019 - 6:47Spenna fyrir lokahringinn!
Það er spenna í flestum flokkum fyrir lokahringinn í meistaramóti GKB á Kiðjabergsvelli. Andri Jón Sigurbjörnsson hefur reyndar 9 högga forystu á Halldór Heiðar Halldórsson í meistaraflokki karla, en meiri spenna er í meistaraflokki kvenna þar sem Margrét Geirsdóttir er með tveggja högga forskot á Brynhildi Sigursteinsdóttur.
-
Föstudagur, 12. júlí 2019 - 7:20Andri Jón og Margrét léku best á öðrum hring
Þegar keppni er hálfnuð í meistaramóti GKB á Kiðjabergsvelli eru línur aðeins farnar að skýrast. Andri Jón Sigurbjörnsson lék best allra í gær, kom inn á 73 höggum og tók forystu í karlaflokki. Margrét Geirsdóttir lék einnig frábært golf, kom inn á 76 höggum og tók forystu í kvennaflokki.
-
Fimmtudagur, 11. júlí 2019 - 7:26Halldór og Brynhildur leiða eftir fyrsta hring
Meistaramót GKB hófst á Kiðjabergsvelli í gær. Halldór H. Halldórsson lék best í meistaraflokki karla og Brynhildur Sigursteinsdóttir í meistaraflokki kvenna. Annar hringur verður spilaður í dag.
- 1 of 49
- ››
