Skip to Content

Gkb

  • Miðvikudagur, 26. júlí 2017 - 18:59
    Almenn ánægja með kennsluna

    Almenn ánægja var með golfkennsluna sem meistaraflokkskylfingar úr GKB buðu upp á Kiðjabergsvelli í gær. Kylfingum var skipt upp í hópa eftir getu og farið yfir ýmis atriði golfleiksins, eins og pútt, vipp, járnahögg og dræv. Kennslan stóð yfir frá klukkan 15 til 18.

  • Sunnudagur, 23. júlí 2017 - 22:52
    Rúmlega 60 konur í gullmóti Hansínu Jens

    Laugardaginn 22. júlí fór Gullmót Hansínu Jens fram á Kiðjabergsvelli. Ríflega 60 konur tóku þátt í þessu glæsilega og skemmtilega móti og létu hvassviðrið ekki hafa of mikil áhrif á sig. Veitt voru verðlaun fyrir besta skor án forgjafar og fyrir fimm efstu sætin í punktakeppninni. Verðlaunagripirnir voru módelskartgripir úr smiðju listakonunnar Hansínu Jens.

  • Miðvikudagur, 19. júlí 2017 - 18:58
    Lærum af þeim bestu!

    Meistaraflokks kylfingar Golfklúbbs Kiðjabergs ætla að vera með kennslu á Kiðjabergi þriðjudaginn 25. júlí milli klukkan 15-17. Kennslan er hugsuð fyrir alla klúbbmeðlimi sem mæta. Skipt verður upp í hópa og farið yfir pútt, vipp, járnahögg og dræv.  Við hvetjum sem flesta til að nýta sér kennslu þeirra bestu!

     
  • Sunnudagur, 16. júlí 2017 - 11:32
    Rúnar Óli og Áslaug klúbbmeistarar GKB

    Rúnar Óli Einarsson er klúbbmeistari karla hjá Golfklúbbi Kiðjabergs 2017 og er þetta í annað sinn sem hann fagnar titlinum. Rúnar lék lokahringinn á 75 höggum sem var besta skorið á hring í mótinu. Haraldur Þórðarson, sem var með forystu fyrir lokahringinn, varð annar eftir að hafa leikið lokahringinn á 85 höggum. Sturla Ómarsson varð þriðji, aðeins einu höggi á eftir Haraldi. 

  • Sunnudagur, 16. júlí 2017 - 10:10
    Guðmundur fékk flesta punkta

    Í meistaramóti GKB var einnig boðið upp á tveggja daga punktakeppni öldunga, karla og kvenna. Guðmundur S. Guðmundsson sigraði í flokki öldunga og fékk flesta punkta allra keppenda, 39 á fyrri hring og það sama á seinni.  Ingigerður Eggertsdóttir varð efst í flokki kvenna og Guðmundur Jóhannesson í flokki karla. 

  • Laugardagur, 15. júlí 2017 - 15:31
    Snorri sló draumahögg allra kylfinga!

    Félagi okkar í Golfklúbbi Kiðjabergs, Snorri Hjaltason, fór holu í höggi á 14. braut á Hamarsvelli í Borgarnesi í síðustu viku, en þá var hann að keppa í meistaramóti GB. Snorri var að sjálfsögðu einnig með í meistaramóti GKB nú um helgina. Við óskum honum til hamingju með draumahögg allra kylfinga.

  • Laugardagur, 15. júlí 2017 - 10:48
    Haraldur fór holu í höggi í meistaramótinu

    Meistaramóti GKB lýkur á Kiðjabergsvelli í dag. Haraldur Þórðarson, sem er efstur í meistaraflokki karla, gerði sér lítið fyrir og fór holu höggi á 12. braut í gær. Hann er með sex högga forskot á Rúnar Óla Einarsson fyrir fjórða og síðasta hringinn. Áslaug Sigurðardóttir leiðir í kvennaflokki, er 10 höggum á undan Theodóru Stellu Hafsteinsdóttur. 

  • Fimmtudagur, 6. júlí 2017 - 12:34
    Meistaramót GKB á næsta leiti

    Nú er meistaramótsvika framundan hjá okkur í GKB. Boðið verður upp á tvö mót; annars vegar fjögurra daga mót sem hefst 12. júlí og hins vegar tveggja daga mót sem hefst 14. júlí. Skráning er hafin á golf.is. Veglegt lokahóf verður síðan í golfskálanum hjá Rakel á laugardagskvöldinu.

  • Fimmtudagur, 6. júlí 2017 - 12:27
    Nýir keppnissiklmálar fyrir GKB

    Stjórn GKB hefur samþykkt Almenna Keppnissiklmála sem gilda á öllum mótum sem haldin eru af GKB. Þetta eru skilmálar sem gilda nema annað sé í skilmálum einstakra móta. Sjá má gildandi Keppnisskilmála hér fyrir neðan.