Skip to Content

Gkb

  • Þriðjudagur, 2. janúar 2018 - 18:05
    4% hækkun á gjaldskránni á milli ára

    Breytingar voru gerðar á gjaldskrá GKB fyrir árið 2018 og samþykktar voru á aðalfundinum í desember.  Stærstu breytingarnar voru þær að afsláttar-aldur fer úr 67 í 70 ár. Annars verður um 4% hækkun á gjaldskránni á milli ára. Hér fyrir neðan má sjá árgjöld fyrir nýja árið.

  • Fimmtudagur, 21. desember 2017 - 20:26
    Þórhalli endurkjörinn formaður - 7 milljóna hagnaður

    Aðalfundur Golfklúbbs Kiðjabergs fór fam 18. desember sl. að Borgartúni 35. Þórhalli Einarsson var endurkjörinn sem formaður. Fram kom á fundinum að viðsnúningur hefur orðið í fjárhag klúbbsins, þannig að á árinu var klúbburinn rekinn með nærri 7 milljóna króna hagnaði. Félgar í GKB eru um 350 talsins.

  • Mánudagur, 4. desember 2017 - 15:38
    Aðalfundur GKB verður 18. desember!

    Aðalfundur Golfklúbbs Kiðjabergs verður haldinn 18. desember en ekki 9. desember, eins og áður hafði verið auglýst. Að óviðráðanlegum orsökum reyndist ekki unnt að halda fundinn 9. desember. Fundurinn verður að Borgartúni 35 (1. hæð) í Reykjavík og hefst kl. 20:00.

  • Laugardagur, 9. september 2017 - 16:36
    Magnús fór holu í höggi á par-4 braut

    Magnús Þór Haraldsson, félagi í GKB, gerði sér lítið fyrir og fór holu í höggi á 6. braut sem er par-4 braut á Kiðjabergsvelli í gær. Þetta er jafnframt albatross og ekki á hverjum degi sem kylfingar ná slíku höggi. Brautin er 222 metrar, öll upp í móti. Við óskum Magnúsi innilega til hamingju með draumahögg allra kylfinga.

  • Föstudagur, 8. september 2017 - 15:33
    Bændaglíma og lokahóf

    Bændaglíman og lokahófið verða á Kiðjabergsvelli laugardaginn 16. september. Keppendum verður skipt í tvö lið, A og B. Spilað verður Texas Scramble holukeppni þar sem tveir úr hvoru liði eigast við í hverju holli, hver unnin hola telur fyrir liðið. Hægt er að skrá sig á golf.is eða mæta í Golfskálann kl.10:00.

  • Sunnudagur, 13. ágúst 2017 - 18:46
    GKG fagnaði Íslandsmeistaratitli á Kiðjabergsvelli

    Íslandsmót golfklúbba í 1. deild karla fór fram í blíðskaparveðri á Kiðjabergsvelli um helgina. GKG sigraði eftir að hafa lagt GR að velli í úrslitaleik, 3:2. GM hafnaði í þriðja sæti eftir að hafa unnið GK, 4:1. Það var vitað fyrirfram að okkar lið, GKB, ætti við ramman reip að draga og varð að lokum að bíta í það súra epli að falla í 2. deild ásamt sameiginlegu liði Golfklúbbs Fjallabyggðar og Dalvíkur.

  • Mánudagur, 7. ágúst 2017 - 18:32
    Vel heppnað kvennamót - myndasería

    Vel heppnað pilsa kvennamót fór fram á Kiðjabergsvelli sl. föstudag og  mættu 74 kylfingar til leiks og skemmtu sér vel í góðu veðri. Leikið var 9 holu Texas Scramble og þótti mótið takast afar vel og allir ánægðir.  Hér fyrir neðan má sjá nokkrar myndir frá mótinu.

  • Sunnudagur, 6. ágúst 2017 - 20:04
    Ofurhetjurnar sigruðu!

    Ofurhetjurnar, Bjarki Þór Guðmundsson og Ásmundur Ari Guðgeirsson,  sigruðu í Styrktarmóti GKB, sem fram fór í blíðskaparveðri á Kiðjabergsvelli laugardaginn 5. ágúst. Þeir léku á 56 höggum nettó. 74 pör mættu til leiks og var uppselt í mótið. Völlurinn er kominn í sitt besta form og voru keppendur mjög ánægðir með allar aðstæður. 

  • Miðvikudagur, 2. ágúst 2017 - 11:43
    Pilsaþytur í Kiðjabergi

    Föstudaginn 4. ágúst verður haldið Pilsa ( Texas Scramble ) kvennamót á Kiðjabergsvelli. Ræst verður út kl. 18:00 af teigum 1-9 og spilaðar 9 holur. Við erum að tala um Gleði mót með stóru G-i þar sem m.a. akandi bar verður á staðnum. GKB konur endilega bjóðið með ykkur vinkonu í mótið.