Skip to Content

Kiðjabergið opnar formlega á laugardaginn!

Miðvikudagur, 8. maí 2019 - 15:13
Unnið við snyrtingu sandglompunnar við æfingaflötina fyrir framan golfskálann.

Formleg opnun Kiðjabergsvallar verður eftir hádegi laugardaginn 11. maí. Breskir starfsmenn okkar eru búnir að fara yfir allar sandglompur og vinna öll vorverkin. Þannig að völlurinn er í flottu standi og sjaldan komið betri undan vetri. Það er því ekkert til fyrirstöðu að hefja golfleik um næstu helgi.

Sameiginlegur vinnudagur Félags lóðarhafa í Kiðjabergi og Golfklúbbs Kiðjabergs verður haldinn laugardaginn 11. maí n.k. Mæting við vélaskemmuna klukkan 10:00. Unnið verður til kl. ca. 14:00. Að loknum vinnudegi verður Rakel í Golfskálanum með súpu, brauð og grillaðar pylsur. Hvetjum alla félagsmenn til að mæta, styrkjum samstöðuna í félaginu. Gott væri að taka með verkfæri.

Framkvæmdir hafa staðið yfir við endurnýjun á eldhúsi golfskálans og þá hefur salurinn verið málaður.