Skip to Content

Gkb

  • Miðvikudagur, 20. nóvember 2019 - 16:43
    Aðalfundur GKB verður 7. desember

    Aðalfundur Golfklúbbs Kiðjabergs verður haldinn 7. desember klukkan 13.00 í Golfskálanum Kiðjabergi. Stjórn klúbbsins hvetur félagsmenn eindregið til að mæta á aðalfundinn. Rakel verður með hið margrómaða jólahlaðborð í skálanum um kvöldið og hefst það kl. 19.00.

  • Laugardagur, 13. júlí 2019 - 6:47
    Spenna fyrir lokahringinn!

    Það er spenna í flestum flokkum fyrir lokahringinn í meistaramóti GKB á Kiðjabergsvelli. Andri Jón Sigurbjörnsson hefur reyndar 9 högga forystu á Halldór Heiðar Halldórsson í meistaraflokki karla, en meiri spenna er í meistaraflokki kvenna þar sem Margrét Geirsdóttir er með tveggja högga forskot á Brynhildi Sigursteinsdóttur.

  • Föstudagur, 12. júlí 2019 - 7:20
    Andri Jón og Margrét léku best á öðrum hring

    Þegar keppni er hálfnuð í meistaramóti GKB á Kiðjabergsvelli eru línur aðeins farnar að skýrast. Andri Jón Sigurbjörnsson lék best allra í gær, kom inn á 73  höggum og tók forystu í karlaflokki. Margrét Geirsdóttir lék einnig frábært golf, kom inn á 76 höggum og tók forystu í kvennaflokki. 

  • Fimmtudagur, 11. júlí 2019 - 7:26
    Halldór og Brynhildur leiða eftir fyrsta hring

    Meistaramót GKB hófst á Kiðjabergsvelli í gær. Halldór H. Halldórsson lék best í meistaraflokki karla og Brynhildur Sigursteinsdóttir í meistaraflokki kvenna. Annar hringur verður spilaður í dag.

  • Fimmtudagur, 4. júlí 2019 - 18:36
    Meistaramót GKB 2019!

    Meistaramót GKB hefst miðvikudaginn 10. júlí. Spilaðar verða 72 holur, höggleikur án forgjafar hjá körlum með forgjöf upp að 18,1 og konum að 21,4. Punktakeppni með forgjöf verður hjá körlum 18,2 og hærra, konum 20,5 og hærra. Unglingar, öldungar og opinn flokkur spila 36 holu punktakeppni föstudag og laugardag.

  • Sunnudagur, 23. júní 2019 - 14:17
    Sigurskorið í Hjóna og parakeppninni 58 högg!

    Hjóna- op Parakeppni GKB fór fram á Kiðjabergsvelli laugardaginn 22. júní. Hjónin Lilja Rut Sæbjörnsdóttir og Jóhann Brimir Benónýsson,  sem kölluðu sig Hóló, sigruðu með þriggja högga mun, komu inn á 58 höggum nettó. Þórólfur Nielsen fór holu í höggi á 12. braut vallarins.

  • Fimmtudagur, 20. júní 2019 - 21:41
    Hjóna- og parakeppni á laugardaginn

    Hjóna- og Parakeppni GKB fer fram á Kiðjabergsvelli laugardaginn 22. júní. Enn eru nokkrir rástímar lausir í þessu vinsæla móti. Spilað er 18 holu Texas Scramble höggleikur með forgjöf. Hámarks forgjöf hjá körlum 24 og 28 hjá konum. Veitt verða verðlaun fyrir 4 efstu sætin. Jónsmessumót er föstudaginn 21. júní, mæting kl. 19:00.

  • Miðvikudagur, 19. júní 2019 - 9:25
    GKB-konur lögðu GÖ-konur annað árið í röð!

    Bikarmót GKB-GÖ kvenna fór fram á Öndverðanesvelli sunnudaginn 16. júní. Þátttaka var mjög góð og luku 50 konur leik. Leikar fóru þannig að GKB 
    konur unnu annað árið í röð en naumt var það, 154 punktar GKB gegn 150 punktum GÖ-kvenna.

  • Sunnudagur, 16. júní 2019 - 14:52
    Bilun í vélum bitnaði á umhirðu vallarins

    Vallarstjóri og stjórn Golfklúbbs Kiðjabergs vilja koma því á framfæri að bilun í tveimur vélum gerðu það að verkum að völlurinn var ekki í eins góðu ástandi og hann átti að vera í gær, sunnudag, og á laugardag. Beðist er velvirðingar á þessu.